პრეზიდენტის ადმინისტრაციის განცხადებით, მე-9 მოწვევის პარლამენტის პირველი სხდომის ჩატარების დრო და თარიღი ჯერ უცნობია ამიტომ პრეზიდენტი მოუწოდებს დეპუტატებს თავი შეიკავონ თარიღის ნაჩქარევად დასახელებისგან:

"2016 წლის პარლამენტის არჩევნების შესახებ ცესკოს შემაჯამებელი ოქმი ჯერ არ გამოუქვეყნებია. შესაბამისად, კონკრეტული თარიღი და დრო ჯერ უცნობია როდის დანიშნავს საქართველოს პრეზიდენტი მეცხრე მოწვევის პარლამენტის პირველ სხდომას.

მე-9 მოწვევის პარლამენტის პირველი სხდომის ჩატარების სხვადასხვა თარიღთან დაკავშირებით ჩვენ დეპუტატებისგან არაერთი ნაჩქარევი განცხადება მოვისმინეთ, თუმცა ზუსტი დრო მხოლოდ მაშინ გახდება ცნობილი, როდესაც ცესკო არჩევნების შემაჯამებელ ოქმს გამოაქვეყნებს და პრეზიდენტი შესაბამის სამართლებრივ აქტს გამოსცემს".