AP-ის ცნობით, აშშ-ში, ვაშინგტონში კორონავირუსით გარდაცვალების პირველი შემთხვევა დაფიქსირდა. ვაშინგტონში ჯანდაცვის სისტემის წარმომადგენლებმა პრესკონფერენციაზე მხოლოდ სიკვდილის შესახებ ცნობა გაავრცელეს, დეტალების გარეშე. მათ გარდაცვლილის ოჯახს მიუსამძიმრეს და თქვეს, რომ შტატი გააგრძელებს ვირუსის გავრცელების წინააღმდეგ ბრძოლას.

ქვეყნის მასშტაბით კორონავირუსი გავრცელებულია კალიფორნიის ორეგონისა და ვაშინგტონის შტატებში. მათ შორის, ვაშინგტონში კორონავირუსი დაუფიქსირდა თინეიჯერსა და 50 წლის ქალს, რომლებიც ბოლო პერიოდში სამხრეთ კორეაში იყვნენ.

Politico-ს ცნობით, გარდაცვალების პირველ შემთხვევასთან დაკავშირებით პრეზიდენტი დონალდ ტრამპი პრესკონფერენციას გამართავს.

ამ დროისთვის, მსოფლიო მასშტაბით, კორონავირუსით 83 ათასზე მეტი ადამიანია დაავადებული, მათგან 2 800 ადამიანი დაიღუპა. დაავადებულთა უმრავლესობა ჩინეთის მოქალაქეა.

ამავე თემაზე: