თბილისის საკრებულოს თავმჯდომარის მოადგილე, ირაკლი ზარქუა მილიონი ლარის ღირებულების საახალწლო ნაძვის ხის კრიტიკას გამოეხმაურა და ამას "ნაძვის ხის ბულინგი" უწოდა. ამის შესახებ მან TV პირველის ეთერში ისაუბრა:

"ნაძვის ხეზე დაიწყეს ბულინგი, იმიტომ რომ მიჩვეულები იყვნენ ადრე რაღაც დიდს... ამბობენ, რატომ არ არის მოცულობითი და ა.შ. დედაქალაქში რა პროექტები კეთდება ის აინტერესებთ და ნაძვის ხე რატო ასეა გამხდარი, ის".

2019 წლის ნაძვის ხე თბილისის მერიამ ტენდერით იყიდა. ტენდერში იტალიურმა კომპანია IDO SRL-მა გაიმარჯვა, ამ კომპანიის წარმოებული სათამაშოებით გაფორმდა თბილისის ქუჩების ნაწილი. ნაძვის ხეს, რომელიც ბიუჯეტს მილიონ ლარამდე უჯდება, ერთწლიანი გარანტია აქვს.

თბილისის საახალწლო ნაძვის ხე გუშინ, 25 დეკემბერს, საზეიმოდ აინთო. ნაძვის ხის ვიზუალი სოციალურ ქსელებში კრიტიკის საგანი გახდა.

გაიგეთ მეტი: