საგანგებო სიტუაციების მართვის სამსახურის ინფორმაციით, მესტიაში, სოფელ ცხუმარისა და ეცერის ტყეებში ხანძარი ლოკალიზებულია. ამ დროისათვის კერების დაქრობა მიმდინარეობას.

უწყების ცნობით, ხანძრის ლიკვიდაციის სამუშაოებში 120-მდე მეხანძრე-მაშველია ჩართული. ხანძარი 18 ნოემბერს, შუაღამეს გაჩნდა. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 304-ე მუხლით მიმდინარეობს, რაც ტყის ან ნარგავის დაზიანებას ან განადგურებას გულისხმობს.

ამ დროისათვის, მთელი ქვეყნის მასშტაბით, ტყის ქვედა საფარის ხანძრის 7 კერაა - სვანეთში, სამეგრელოში, რაჭასა და აჭარაში.