ცენტრალურ საარჩევნო კომისიაში კენჭისყრის პროცესის დაწყების შესახებ პირველი საინფორმაციო ბრიფინგი გაიმართა. ცესკოს სპიკერის, ანა მიქელაძის თქმით, ყველა საარჩევნო ამომრჩევლისთვის 08:00 საათიდან გაიხსნა და ხმის მიცემის პროცესი მშვიდ გარემოცვაში მიმდინარეობს.

სპიკერის განცხადებით, იქ სადაც საპარლამენტო არჩევნები ტარდება ამომრჩეველს 2 ბიულეტენს ერთს მაჟორიტარული, ერთს პროპორციული არჩევნებისთვის. ხოლო აჭარის რეგიონში რეგისტრირებული ამომრჩევლები საქართველოს პარლამენტის არჩევნების ბიულეტინის გარდა მიიღებენ ორ ბიულეტენს აჭარის უმაღლესი საბჭოს არჩევნებისთვის - ერთს პროპორციული, მეორეს მაჟორიტარული არჩევნებისთვის.

მისივე თქმით საქართველოს პარლამენტის არჩევნებში მონაწილეობას 25 საარჩევნო სუბიექტი, 19 პარტია და 6 ბლოკი იღებს. ასევე, საარჩევნო სუბიექტებისა და საინიციატივო ჯგუფების მიერ წარდგენილი 816 მაჟორიტარი კანდიდატი.

საპარლამენტო არჩევნებს დააკვირდება საარჩევნო სუბიექტების 42092 წარმომადგენელი, 111 ადგილობრივი დამკვირვებელი, 29 931 და 55 საერთაშორისო ორგანიზაციის 1440 დამკვირვებელი. საარჩევნო პროცესს გააშუქებს 184 მედიაორგანიზაციის 5368 წარმომადგენელი.

არჩევნების პირველადი შედეგები, დაახლოებით, დილის 6 საათისთვის იქნება ცნობილი.