კოლუმბიაში ბოლო წლების განმავლობაში ერთ-ერთი ყველაზე მძლავრი მიწისძვრა მოხდა. ბოლო მონაცემებით, სტიქიას სულ მცირე 132 ადამიანი ემსხვერპლა, ხოლო 480-ზე მეტი დაშავდა. ქვეყნის მასშტაბით საგანგებო მდგომარეობაა გამოცხადებული. მაშველები ნანგრევებში მოყოლილი ადამიანების გადარჩენას ცდილობენ, რის გამოც ვარაუდობენ, რომ მსხვერპლთა რაოდენობა გაიზრდება. ინფორმაციას BBC ავრცელებს.

ეროვნული გეოლოგიური სამსახურის ცნობით, 7.4 მაგნიტუდის სიმძლავრის მიწისძვრა ადგილობრივი დროით 07:34 საათზე, ჩოკოს პროვინციაში, 103 კილომეტრის სიღრმეზე დაფიქსირდა. ბიძგები დასავლეთ კოლუმბიის უზარმაზარ ტერიტორიაზე, ასობით კილომეტრის დაშორებით იგრძნობოდა.

BBC წერს, რომ ყველაზე მძიმე მდგომარეობა ქალაქ პერეირაშია (ეპიცენტრიდან 55 კმ-ში), რომელიც კოლუმბიის ყავის მწარმოებელ რეგიონში მდებარეობს:

სერიოზულად დაზარალდა ქალაქი კალიც, სადაც 32 შენობა ჩამოინგრა. მსხვერპლის შესახებ ცნობები ვრცელდება მანიზალესიდან, კიბდოდან, მედელინიდან და სხვა დასახლებებიდან.