პროკურატურამ 2024 წლის 11 აგვისტოს, სამტრედიაში კოალიცია ცვლილებისთვის ერთ-ერთ ლიდერ ნიკა მელიაზე თავდასხმის ფაქტთან დაკავშირებით სამ პირს ოფიციალური ბრალდება წარუდგინა.

ოპოზიციონერ პოლიტიკოს ნიკა მელიაზე განხორციელებულ თავდასხმასთან დაკავშირებით ბრალი წარედგინათ პარტია ახალის წევრებს ცოტნე მირცხულავას და გაბრიელ კობაიძეს და ნიკა მელიაზე თავდასხმაში ბრალდებული სულხან-საბა ნიკოლეიშვილი.

სამივე ბრალდებულს ბრალი საქართველოს სისხლის სამართლის კოდექსის 162¹ მუხლის 1-ელი ნაწილით წარედგინა (წინასაარჩევნო აგიტაციისას ან საარჩევნო კამპანიის ღონისძიების დროს ძალადობა ან ძალადობის მუქარა).

სასამართლო მათთვის აღკვეთის ღონისძიების შეფარდების საკითხზე ხვალ, 11 აგვისტოს იმსჯელებს.

გამოძიების ინფორმაციით, ინციდენტი წინასაარჩევნო ღონისძიების მიმდინარეობისას მოხდა. სულხან-საბა ნიკოლეიშვილმა ოპოზიციონერ პოლიტიკოსს ფიზიკური შეურაცხყოფა მიაყენა და სახეში ჩაარტყა.

აღნიშნული მუხლი სასჯელის სახედ ჯარიმას ან 2 წლამდე ვადით თავისუფლების აღკვეთას ითვალისწინებს.