დღეს ფეისბუკში გავრცელდა ვიდეო, სადაც ჩანს, რომ ბარნოვის ქუჩაზე განლაგებულ მანქანების მინებზე სალომე ზურაბიშვილის მხარდამჭერი პლაკატებია გაკრული.

ვიდეოში ჩანს, რომ მარჯვენასაჭიან მანქანებზე სარეკლამო პლაკატი მარჯვნივაა მიკრული, მარცხენაზე - მარცხნივ.

სალომე ზურაბიშვილი აცხადებს, რომ ამ ფაქტთან მას კავშირი არ აქვს და ეს პროვოკაციაა ამომრჩევლების გასაღიზიანებლად:

"ჩემი საარჩევნო კამპანია დასრულდა გუშინ 10 საათზე მთაწმინდაზე გამართულ ღონისძიებით, რომელზედაც ყველანი იყავით მოწვეულნი".

სალომე ზურაბიშვილი მთაწმინდის პირველ ოლქში იყრის კენჭს. ქართულმა ოცნებამ მის მხარდასაჭერად აღნიშნულ ოლქში მაჟორიტარობის პარტიული კანდიდატი არ წარადგინა.