საგანგებო სიტუაციების მართვის სამსახურის ინფორმაციით, კახეთში, გურჯაანის რაიონის სოფელ ზემო კაჭრეთში ხანძარია. მათი თქმით, ცეცხლი უკიდია ტყის ქვედა საფარს და საძოვარს, ასევე, ეკალბარდს და ბალახს, თუმცა სიტუაცია კონტროლს ექვემდებარება.

უწყების განცხადებით, ადგილზე მობილიზებულია კაჭრეთის და გურჯაანის 4 სახანძრო- სამაშველო მანქანა და 20-მდე მეხანძრე მაშველი. დასახმარებლად გასულია სიღნაღის, დედოფლისწყაროს და თბილისის სახანძრო-სამაშველო ჯგუფები, 6 მანქანა და 30-მდე მეხანძრე მაშველი. მათივე თქმით, ცეცხლის ქრობის სამუშაოებში ჩაერთო შინაგან საქმეთა სამინისტროს სასაზღვრო პოლიციის ვერტმფრენი.