Star Wars-ის თემატური პარკის წარმატებული გახსნის შემდეგ, დისნეი Marvel-ის პარკის გახსნას გეგმავს.

The Los Angeles Times-ის ცნობით, დისნეიმ კალიფორნიის შტატის სათავგადასავლო პარკში სამშენებლო სამუშაოები უკვე დაიწყო. მარველის პავილიონი A Bug’s Life Land-ს ჩაანაცვლებს, რომელიც 1998 წელს გამოსული ანიმაციური ფილმის, A Bug's Life-ის მიხედვით არის შექმნილი. ახალ პარკში მოეწყობა სხვადასხვა ტიპის შეხვედრები, სასაჩუქრე მაღაზიები, თავგადასავალი ადამიანი-ობობას თემატიკაზე და ა.შ. ამ ეტაპზე ტერიტორია კედლებით არის შემოღობილი, რომლებზეც Stark Industries აწერია.

მარველის პარკის გახსნას შემდეგ წელს უნდა ველოდეთ. უფრო მეტ ინფორმაციას კი ამ წლის D23 ექსპოზე შევიტყობთ, რომელიც 23-25 აგვისტოს კალიფორნიის შტატში, ანაჰეიმშია დაგეგმილი.