ეროვნული ბიბლიოთეკის წარმომადგენლები ოფიციალური ვიზიტით ოდესაში იმყოფებიან. ისინი ოდესის სამეცნიერო ბიბლიოთეკის 190 წლისთავისადმი მიძღვნილ საიუბილეო ღონისძიებებს ესწრებიან.

7-9 ივნისს ოდესის სამეცნიერო ბიბლიოთეკა საიუბილეო თარიღთან დაკავშირებით გამოფენა-ფორუმს მართავს, რომელშიც უკრაინელი გამომცემლების გამოცემებია გამოფენილი. ამ ღონისძიების ფარგლებში ოდესის ბიბლიოთეკაში საქართველოს პარლამენტის ეროვნული ბიბლიოთეკის დირექტორის გიორგი კეკელიძის "გურული დღიურების" უკრაინული თარგმანის წარდგენაც გაიმართა. ოდესის ბიბლიოთეკაში გაიხსნა ქართული კუთხე.

საქართველოს პარლამენტის ეროვნული ბიბლიოთეკისა და ოდესის სამეცნიერო ბიბლიოთეკის ერთობლივი პროექტის ფარგლებში გაიმართა "ვეფხისტყაოსნის" უკრაინული თარგმანის ავტორის პ. პეტრენკოს ხელნაწერების გამოფენა.

"ჩვენ დიდი გეგმები გვაქვს და ნაბიჯ-ნაბიჯ მივუყვებით. ოდესის საბიბლიოთეკო ფორუმზე საქართველო მთავარი სტუმარი ქვეყანა იყო", - განაცხადა გიორგი კეკელიძემ.