მთავრობა სივრცით-ტერიტორიული მოწყობის დოკუმენტზე მუშაობას იწყებს. ამის შესახებ დღეს, 5 მაისს, გამართულ სხდომაზე ისაუბრეს:

"საქართველოს კულტურული მემკვიდრეობის დაცვისა და განვითარების, ასევე ტურისტული პოტენციალის მაქსიმალურად ათვისების მიზნით, მთავრობა სივრცით-ტერიტორიული მოწყობის დოკუმენტზე მუშაობას იწყებს, რაც ოთხპუნქტიანი რეფორმების გეგმის ერთ-ერთი უმნიშვნელოვანესი ინიციატივაა".

ცნობილია, რომ დღევანდელ სხდომაზე მინისტრთა კაბინეტი თუშეთის, ახმეტის, მესტიისა და მულახის განვითარებისთვის გადასადგმელ ნაბიჯებს განიხილავს და სპეციალურ სპეციალურ პაკეტს დაამტკიცებს, რაც აღნიშნული მიმართულებების სივრცით-ტერიტორიული მოწყობის ძალიან მნიშვნელოვანი დოკუმენტის შექმნას გულისხმობს.

მინისტრთა კაბინეტის განმარტებით, აღნიშნული მიმართულებები ისე განვითარდება, რომ შენარჩუნდეს კულტურული მემკვიდრეობა და იქ არსებული ეკოსისტემა. მეორე მხრივ კი, ისე, რომ განვითარდეს ტურისტული პოტენციალი.

მთავრობის სხდომა ახლაც მიმდინარეობს, მინისტრთა კაბინეტი სულ 35 საკითხის განხილვას აპირებს.