რუსეთის ფედერაციაში უკვე დასრულდა საკანონმდებლო ორგანოს არჩევნები, საარჩევნო უბნები დაიხურა მთელი ქვეყნის მასშტაბით და ახლა ხმის დათვლის პროცესი მიმდინარეობს.

სახელისუფლებო საინფორმაციო სააგენტო რია ნოვოსტის მიერ გამოქვეყნებული ეგზიტპოლების შედეგების მიხედვით, დუმის არჩევნებში 5–პროცენტიან ბარიერს გადალახავს მხოლოდ ოთხი პარტია. ესენია:

  • ერთიანი რუსეთი, თავმჯდომარე მოქმედი პრემიერმინისტრი დმიტრი მედვედევი – 44,5 პროცენტი;
  • ლიბერალ–დემოკრატიული პარტია, ვლადიმირ ჟირინოვსკი – 15,3 პროცენტი;
  • რუსეთის კომუნისტური პარტია, გენადი ზიუგანოვი – 14,9 პროცენტი;
  • სოციალისტ–რევოლუციონერთა პარტია – 8,1 პროცენტი;

საარჩევნო უბნები რუსეთის ფედერაციის გარდა გახსნილი იყო საქართველოს ოკუპირებულ ტერიტორიებზე, რაც საქართველოს საგარეო საქმეთა სამინისტრომ დღეს უარყოფითად შეაფასა და მომხდარი დაგმო.