მართალია, კანის კინოფესტივალის ოფიციალური საკონკურსო პროგრამის წარდგენამდე ჯერ კიდევ რამდენიმე დღეა დარჩენილი, თუმცა Paramount-მა ვერ მოითმინა და კულუარულად გაავრცელა ხმები, რომ ელტონ ჯონის შესახებ გადაღებული ფილმი Rocketman პირველად დღის სინათლეს სწორედ კრუიზეტის სანაპიროზე ნახავს.

მიუხედავად იმისა, რომ ინფორმაცია შიდა წრეებში დადასტურებულია, კინოსტუდია ოფიციალური კომენტარისგან მაინც თავს იკავებს და ფესტივალის ორგანიზატორების მხრიდან მწვანე შუქის ანთებას ელოდება.

აღსანიშნავია, რომ ამ ხმების გავრცელებას ხელს ისიც უწყობს, რომ Rocketman-ის ფრანგული პრემიერის თარიღად 29 მაისია მითითებული. კანის კინოფესტივალი კი 14-დან 25 მაისის ჩათვლით გრძელდება.

ფილმში ელტონ ჯონის როლს ტეირონ ეგერტონი ასრულებს. ფლეტჩერის დრამაში ასევე ვიხიალვთ ბრიუს დალას ჰოვარდს, რიჩარდ მედენსა და ჯეიმი ბელს.

გარდა ამ ფილმისა, წინასწარვე შეგვიძლია იმის თქმა, რომ მაისში, კანის კინოფესტივალზე 2019 წლის კიდევ ორ მთავარ კინომოვლენას - პედრო ალმოდოვარის Dolor y Gloria-სა და კვენტინ ტარანტინოს Once Upon a Time in Hollywood-ს ვნახავთ.

კანის კინოფესტივალის ჟიურის წელს მექსიკელი რეჟისორი, ალეხანდრო გონსალეს ინიარიტუ უხელმძღვანელებს.

ამავე თემაზე: