Big Little Lies-ის ვარსკვლავი, ნიკოლ კიდმანი სულ მალე HBO კიდევ ერთი სერიალში გამოჩნდება.

სერიალს The Undoing ჰქვია, სცენარზე კი დევიდ კელი და ბრუნა პაპანდრეა მუშაობენ.

HBO-ს ახალი შოუს სიუჟეტი ჯეინ კორელიცის რომანს You Should Have Known ეფუძნება.

კიდმანთან ერთად სერიალში ვიხილავთ ჰიუ გრანტსაც, რომელიც მისი ქმრის როლს ასრულებს.

პაპარაცებმა კიდმანი ერთ-ერთი დრამატული სცენის გადაღების დროს დააფიქსირეს:

სიუჟეტი წარმატებული თერაპევტის, გრეის საქსის შესახებ მოგვითხრობს, რომელსაც ზუსტად ისეთი ცხოვრება აქვს, როგორზეც ყოველთვის ოცნებონდა - მოსიყვარულე ქმარი, საინტერესო პროფესია და შვილი.

თუმცა, მას შემდეგ, რაც გრეისი წიგნს გამოსცემს, ყველაფერი იცვლება. სასტიკი მკვლელობა და ქმრის გაუჩინარება კიდმანის პერსონაჟს თავისი ცხოვრების გადაფასებისკენ უბიძგებს.

ამ ეტაპზე უცნობია, როდის შედგება სერიალის პრემიერა.