გუშინ ნიუ-იორკში სამეფო კარის თამაშების ფინალური სეზონის პრემიერა გაიმართა. პირველი ეპიზოდის დიდ ეკრანზე ნახვამდე, სერიალის ვარსკვლავებმა წითელ ხალიჩაზე გაიარეს, თუმცა მათ შორის არ იყო სერსეი ლანისტერის როლის შემსრულებელი ლინა ჰიდი.

ემისა და ოქროს გლობუსის ნომინანტმა მსახიობმა მისი არ ყოფნა ინსტაგრამზე განმარტა და თქვა, რომ ავადმყოფობის გამო ნიუ-იორკში გაფრენა ვერ მოახერხა.

მსახიობმა დაწერა, რომ ის ძალიან გულნატკენია იმით, რომ თავისი მეგობრებისა და კოლეგების გვერდით ყოფნას ვერ ახერხებს ასეთ მნიშვნელოვან დროს.

სერიალის ფინალური სეზონის მსოფლიო პრემიერა 14 აპრილს შედგება.