მსახიობი და მომღერალი ჯენიფერ ლოპესი რეჟისორ ლორენა სკაფარიას ფილმში The Hustlers მთავარ როლს მოირგებს.

მსახიობმა გადაღებების დაწყება ინსტაგრამზე გამოქვეყნებული ფოტოთი აღნიშნა, რომელშიც ის ბიკინიშია გამოწყობილი.

ფილმის სიუჟეტი ჟურნალისტ ჯესიკა პრესლერის სტატიას ეფუძნება, რომელიც New York Magazine-ში გამოქვეყნდა და მოგვითხრობს სტრიპტიზ კლუბში დაგეგმილი მაქინაციების შესახებ, რასაც უოლ სთრითის კლიენტების ფინანსები შეეწირა.

საქმე ეხება აშშ-ში, ფინანსური კრიზისის დროს გამოვლენილ დანაშაულს, როდესაც სტრიპტიზ კლუბის ხშირი კლიენტი ბიზნესმენები, მოცეკვავეების თანდასწრებით მათ გეგმებზე საუბრობდნენ. სწორედ მათი საუბრის შემდეგ დაგეგმეს სტრიპტიზის მოცეკვავეებმა ფინანსური აფერა.

ფილმი ეკრანებზე 2020 წელს გამოვა.