თემქის მეშვიდე განყოფილებასთან მოქალაქემ ბენზინი გადაისხა და თავის დაწვა სცადა. ამის შესახებ ინფორმაციას რუსთავი 2 ავრცელებს. მათივე ცნობით, მოქალაქის მტკიცებით, პოლიციელები მას ნარკოტიკების ჩადებით ემუქრებოდნენ, რის გამოც პროტესტის უკიდურეს ფორმას მიმართა. დაშავებული პირი სასწრაფო სამედიცინო დახმარებამ გადაიყვანა.

შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის სამმართველომ თვითმკვლელობამდე მიყვანის ფაქტზე გამოძიება სისხლის სამართლის კოდექსის 115 მუხლით დაიწყო.