2019 წელს ტელეეკრანებს Amazon-ისა და BBC-ის ერთობლივი პროექტი დაიპყრობს. ნილ გეიმანისა და ტერი პრეჩეტის წიგნის, Good Omens-ის სატელევიზიო ეკრანიზაცია დღის სინათლეს სულ მალე იხილავს.

აღსანიშნავია, რომ პროექტში ღმერთისა და სატანის როლს ჰოლივუდის ორი დიდი მსახიობი მოირგებს.

ღმერთის პერსონაჟს ორი ოსკარის მფლობელი ფრენსის მაკდორმანდი, ხოლო სატანას ბენედიქტ კამბერბეტჩი გაახმოავანებს.

სერიალში მთავარ როლებს დევიდ ტენანტი და მაიკლ შინი ასრულებენ. მსახიობები წიგნის ეკრანიზაციაში ანგელოზისა და დემონის როლებს მოირგებენ.

სიუჟეტი აპოკალიფსურ სამყაროში ვითარდება, როდესაც კაცობრიობას უდიდესი სამსჯავრო ელის და ყველაფერი ისე მიმდინარეობს, როგორც ეს ბიბლიაშია აღწერილი. თუმცა ბიბლიური სიუჟეტის განვითარებას ხელს ერთი ანგელოზი და დემონი უშლიან.