გასულ წელს დისნეიმ ოფიციალურად განაცხადა, რომ საკუთარი ანიმაციური ფილმების ეკრანიზაციებს გადაიღებდა - მათ შორის 1992 წელს გამოსულ ალადინსაც.

კომპანიამ ჯინის როლზე მსახიობი უილ სმიტი დაამტკიცა. თუმცა ალადინისა და ჟასმინის როლის შემსრულებლების მოძებნა საკმაოდ რთული აღმოჩნდა.

როგორც რეჟისორი ამბობს, მან კასტინგზე ორი ათასზე მეტი მსახიობი მოსინჯა, საბოლოო არჩევანი კი მენა მასუდსა და ნაომი სკოტზე გააკეთა.

ცოტა ხნის წინ კი დისნეიმ პირველ ტრეილერი გამოუშვა, სადაც ჯინისა და სხვა პერსონაჟების ნორმალურად დანახვა არის შესაძლებელი.

აღსანიშნავია, რომ ფილმი ეკრანზე 2019 წლის 24 მაისს გამოვა და გულშემატკივრებს ქალაქელი ღარიბი ბიჭისა და ულამაზესი პრინცესას ისტორიის ნახვის კიდევ ერთი არაჩვეულებრივი შანსი მიეცემათ.