შინაგან საქმეთა სამინისტროს ინფორმაციით, განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვა-გასაღების საქმეზე თურქეთის რესპუბლიკის ორი მოქალაქე დააკავეს.

უწყების განმარტებით, გამოძიების ფარგლებში, სამართალდამცველებმა აღნიშნული პირებისგან ნარკოტიკული საშუალება საკონტროლოდ შეისყიდეს და ფაქტი გადაიღეს. მათი განმარტებით, პოლიციამ უკანონოდ გაყიდული 9 აბი სუბოქსინი ნივთმტკიცებად ამოიღო. მათივე თქმით, ერთ-ერთი დაკავებულის პირადი ჩხრეკისას, 3 აბი, მისი დროებითი საცხოვრებელი სახლის ჩხრეკისას კი 21 აბი ნარკოტიკული საშუალება ამოიღეს.

გამოძიება განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვისა და გასაღების საქმეზე, საქართველოსსსკ-ს 260-ე მუხლის მე-5 და მე-6 ნაწილებით მიმდინარეობს. დანაშაული 8-დან 20 წლამდე ან უვადო თავისუფლების აღკვეთას ითვალისწინებს.