თბილისში, ისანში CO-ს ინტოქსიკაციის შედეგად გარდაცვლილი გორელი ძმების სახლი გაქურდეს. On.ge-ს ინფორმაციით, ქურდობა მათი დაკრძალვის დროს მოხდა.

შინაგან საქმეთა სამინისტროში On.ge-ს ქურდობის ფაქტი დაუდასტურეს, თუმცა ამბობენ, რომ ჯერ არ არის დადგენილი სახლიდან თანხა როდის მოიპარეს. საქმეზე გამოძიება სისხლის სამართლის კოდექსის 177 მუხლის მე-3 ნაწილის "გ" ქვეპუქტნით მიმდინარეობს, რაც ბინაში უკანონო შეღწევით ქურდობას გულისხმობს. დანაშაული ისჯება თავისუფლების აღკვეთით ვადით ოთხიდან შვიდ წლამდე.

31 იანვარს თბილისში, ისანში, ქეთევან წამებულის გამზირზე გაზით 7 ადამიანი გარდაიცვალა. როგორც ყაზტრანსგაზ-თბილისში On.ge-ს უთხრეს, სახლში CO (გაზის ნამწვი) დაგროვდა და გარდაცვალების მიზეზი ეს გახდა.