წლევანდელი ოქროს გლობუსის მთავარი ვარსკვლავი, ფიჯის წყლის პრომო გოგონა კელეტ კუტბერტი უკვე მთელი თვეა მედიის ყურადღების ცენტრშია.

გოგო, რომელიც FIJI Water-ის ასეთი თავგანწირული კამპანიისთვის ყველა ჯილდოს იმსახურებს, ამჯერად კომპანიას სასამართლოში უჩივის.

კელეტის განცხადებით, წყლის კომპანიამ მისი მუყაოს ფიგურა დაამზადა და მას მარკეტინგული კამპანიისთვის იყენებენ, რაზეც მისგან თანხმობა არ აუღიათ.

როგორც პრომო გოგონა ამბობს, მას ხელი ისეთ კონტრაქტზე არ მოუწერია, სადაც ეს დეტალიც იქნებოდა გათვლილი და არასწორია ახლა მისი თანხმობის გარეშე ახალი პიარკამპანიის დაწყება.

ამ ეტაპზე უცნობია, როგორ დასრულდება წლის ყველაზე პოპულარული პრომო გოგონასა და კომპანიის ურთიერთობა.

რაც შეეხება კელეტს, მან გლობუსის შემდეგ ტელევიზიის ყურადღებაც მიიპყრო და სულ მალე მისი ნახვა ერთ-ერთ ამერიკულ საპნის ოპერაში The Bold and the Beautiful იქნება შესაძლებელი.