მას, ვისაც ყოფილი შეყვარებულის მიმართ მეგობრული გრძნობები არ გასჩენია და მეტიც, მას ნამდვილ მავნებლად მიიჩნევს, ინგლისში მდებარე ზოოპარკი ვალენტინობის მხიარულად გატარებას სთავაზობს.

ჰემსლეის კონსერვაციის ცენტრი ვიზიტორებს ტარაკნებისთვის ყოფილი შეყვარებულის ან ცუდი მეგობრის სახელის დარქმევას სთავაზობს. ამისთვის, მსურველებმა $2 უნდა გადაიხადონ.

შერჩეული სახელები მწერების ვოლიერებზე გამოიკვრება. აქციით მოზიდულ თანხას, ზოოპარკი სხვა პროექტებისთვის გამოიყენებს.

"მათ, ვისაც შურისძიების წყურვილი ისევ გკლავთ, ვალენტინობის დღეს თქვენი შეყვარებულის გასახსენებლად ეს გზა შემოგთავაზეთ. იმედია, თავს უკეთ იგრძნობთ", - წერია ზოოპარკის განცხადებაში.

მონაწილეები სერტიფიკატთან ერთად, ზოოპარკში განახევრებული ფასით ვიზიტის უფლებასაც მიიღებენ.