შვედი მუსიკოსი ჯეი-ჯეი იოჰანსონი თბილისს კიდევ ერთხელ ეწვევა. მუსიკოსმა ქართველი მსმენელისთვის უკვე ორჯერ შეასრულა — პირველად 2016 წლის 4 ივნისს, ხოლო მეორედ, 2016 წლის 31 დეკემბერს, მუზამეს სცენიდან მოგვილოცა ახალი წელი.

და აი, ორი წლის შემდეგ, იოჰანსონმა კვლავ გააკეთა არჩევანი ქართველ მსმენელზე. ის SOUNDWAVE-ის ფარგლებში კახიძის მუსიკალური ცენტრში შეასრულებს.

კონცერტზე შედგება იოჰანსონის ახალი სინგლის Heard Somebody Whistle-ის პრემიერა. საქართველოში სტუმრობის შესახებ, იოჰანსონმა ფეისბუქიდანაც გვამცნო.

იოჰანსონს თერთმეტი სტუდიური ალბომი აქვს გამოშვებული. მისი ჰიტებია: Believe in Us, She Doesn’t Live Here Anymore, Far Away, NDE და სხვა.

Bury the Hatchet მუსიკოსის ბოლო ალბომია, რომელიც 2017 წელს გამოვიდა. ალბომში შესულ იგივე სახელწოდების სიმღერაზე იოჰანსონმა კლიპიც გადაიღო.

სესიაზე ასევე დაუკრავს ქართული ჯგუფი KID Jesus, რომელიც 2012 წლიდან ქმნის ინდი-ჯიზაზ-როკ მუსიკას.

ბილეთების ფასი 40 ლარიდან იწყება და მათი შეძენა უკვე შეგიძლიათ TKT.ge-ზე.