ბრისტოლში ერთ-ერთმა საქორწილო სალონმა ვიტრინა ეტლიან მანეკენს "დაუთმო", რითაც სიყვარულის ინკლუზიურობას გაუსვა ხაზი.

ფოტომ მსოფლიოს ყურადღება მას შემდეგ მიიპყრო, რაც ის შშმ ხელოვანმა, ბეტ ვილსონმა გააზიარა.

29 წლის მხატვრის თქმით, "საქორწილო ინდუსტრია ჩარჩოებშია მოქცეული. სალონების დიდი ნაწილი კაბების გაყიდვას სტანდარტული, გამხდარი მანეკენების დახმარებით ცდილობს. ამ მაღაზიების მფლობელებს ავიწყდებათ, რომ ყველა ქორწინდება და ყველა იმსახურებს, რომ ამ დღეს არაჩვეულებრივად გამოიყურებოდეს".

"წესით, ეს სანახაობა არ უნდა აღმაფრთოვანებდეს, მაგრამ პირველად ვხედავ ეტლიან მანეკენს ვიტრინაში", - მიაწერა ბეტმა ფოტოს.

აღსანიშნავია ისიც, რომ მაღაზიამ ეტლიც გააფორმა და მის შენიღბვას არ შეეცადა.