როგორ მოგეწონათ შავი სარკის ინტერაქტიული ფილმი ბანდერსნაჩი? იმედია, ისიამოვნეთ მთელი იმ პროცესით, რომელიც შოუს შემქმნელებმა შემოგვთავაზეს, რადგან, დიდი ალბათობით მეხუთე სეზონის გამოსვლამდე შესაძლოა რამდენიმე თვეც კი მოგვიწიოს ლოდინი.

სერიალის შემქმნელების თქმით, მათ მთელი დრო და ენერგია მთლიანად ამ ინოვაციურ ფილმში ჩადეს, რამაც მეხუთე სეზონის გამოსვლა გადაავადა. თუმცა, ეჭვგარეშეა, რომ შოუ ახალი სეზონით აუცილებლად დაბრუნდება 2019 წელს.

გამომდინარე იქიდან, რომ შავი სარკე ყოველთვის არაპროგნოზირებადი იყო, ამ ეტაპზე უცნობია, რას შემოგვთავაზებენ მისი შემქმნელები მეხუთე ნაწილში.

ერთადერთი რისი თქმაც ზუსტად შეგვიძლია არის ის, რომ შოუ ახალ სეზონში აქცენტს უფრო ოპტიმისტურ და პოზიტიურ ისტორიებზე გააკეთებს. ინფორმაცია დაადასტურა შოუს ერთ-ერთმა შემქმნელმა ჩარლი ბრუკერმა და თქვა, რომ ძალადობრივი და ნეგატიური აქცენტები მეხუთე ნაწილში შედარებით ნაკლები იქნება.