მის საქართველო 2018-ის ტიტულის მფლობელი 25 წლის ნინი გოგიჩაიშვილი გახდა. ის წარადგენს საქართველოს სილამაზის საერთაშორისო კონკურსზე მის მსოფლიო 2019.

მის საქართველო 2018-ის ფინალური შოუ და დაჯილდოების ცერემონია 22 დეკემბერს გაიმართა. მის სრულ ჩანაწერს მაყურებელი რუსთავი2-ის საახალწლო ეთერში იხილავს.

ფოტო: Miss Georgia Beauty Contest / Facebook

სილამაზის კონკურსი კომპანია იმიჯ-ცენტრის ორგანიზებით უკვე მრავალი წელია ტარდება და მასში ყოველწლიურად საქართველოს სხვადასხვა კუთხიდან უამრავი გოგო იღებს მონაწილეობას.

ღონისძიებაში მონაწილეობას იღებდა 20 კონკურსანტი, საიდანაც ჟიურის მიერ შეირჩა ტოპ ათეული, დასახელდნენ ნომინაციების მფლობელები და გამოვლინდნენ გამარჯვებულები.

ნინი გოგიჩაიშვილი

პირველი ვიცე მის საქართველო 2018-ის ტიტულის მფლობელი გახდა 24 წლის თაკო ადამია, რომელიც წარადგენს ჩვენს ქვეყანას მის სამყარო 2019-ზე.