1996 წელს, დენი დევიტომ ფილმი Matilda გადაიღო. სურათში მთავარ როლს მარა უილსონი ასრულებს, რომელსაც მაყურებელი უკვე იცნობდა ერთ-ერთი ყველაზე პოპულარული კომედიიდან - მისის დაუდფაიერი.

9 წლის ასაკში მარას უკვე ჰქონდა წარმატებული კარიერი, თუმცა გადაღებების შემდეგ დიდი ტრაგედია დაატყდა თავს - კიბოსთან ხანგრძლივი ბრძოლის შემდეგ დედა გარდაეცვალა.

მარა იხსენებს, რომ სანამ დედა გარდაიცვლებოდა, მატილდას სცენარის სწავლაში ის ეხმარებოდა.

გარდა ამისა, მარა იხსენებს, რომ როდესაც ფილმში მონაწილეობდა, ჯერ კიდევ ვერ აცნობიერებდა, თუ რამხელა როლს შეასრულებდა დენი დევიტო მის ცხოვრებაში.

"დედას კიბოს დიაგნოზი 1995 წელს დაუსვეს, ამ დროს ფილმს ვიღებდით. დენი და მისი ცოლი, რეა პერლმანი ყველანაირად მიწყობდნენ ხელს, რომ ეს ამბავი მარტივად გადამეტანა. დედას გარდაცვალების შემდეგ კი, როდესაც ჩემი ოჯახი დიდი ტრაგედიის წინაშე აღმოჩნდა, დენი და რეა იყვნენ ის ადამიანები, რომლებიც ჩემზე ზრუნავდნენ. მეხმარებოდნენ გადამელახა ყველა ტკივილი, დამეძლია დარდი და თავიდან აღმომეჩინა საკუთარი თავი. ფილმის გადაღებების დროს ჯერ კიდევ ვერ ვაცნობიერებდი, რამხელა როლს შეასრულებდა დენი დევიტო ჩემს ცხოვრებაში. მიხარია, რომ ცხოვრებამ ეს ორი ბრწყინვალე ადამიანი მაჩუქა", - ყვება მარა უილსონი.