Friends — რომლის ბოლო ეპიზოდიც ეთერში 14 წლის წინ გავიდა, მსოფლიოში კვლავ ყველაზე ყურებადი სერიალია და ამისთვის მადლობა ნეტფლიქს უნდა გადავუხადოთ.

წლის დასაწყისში, სწორედ სტრიმინგ სერვისმა განათავსა შოუ საკუთარ პლატფორმაზე და როგორც ხედავთ, შედეგმაც არ დააყოვნა.

შოუ იმდენად პოპულარული გახდა ნეტფლიქსზე, რომ ლიცენზიის ამოწურვის შემდეგ, როდესაც არხმა ოფიციალურად განაცხადა შოუს სერვისიდან ამოღების შესახებ, მაყურებლის დიდი პროტესტი დაიმსახურა. საბოლოოდ კი, ნეტფლიქს მოუწია, რომ სერიალზე ახალი ლიცენზია შეეძინა, თანაც $100 მილიონად.

რაც შეეხება მეორე ყველაზე ყურებად სერიალს, ეს ABC-ის სამედიცინო დრამა - გრეის ანატომიაა. შოუ ეთერში უკვე 15 წელია გადის და დღემდე არ კარგავს პოპულარობას.

გრეის ანატომიის შემდეგ, მესამე ადგილს ნეტფლიქსის შოუ - 13 მიზეზი რატომ იკავებს.

ათეულში ასევე მოხვდნენ - რივერდეილი და დიდი აფეთქების თეორია.