თელავის რაიონულმა სასამართლომ ოჯახში ძალადობისთვის ბრალდებული პირი დამნაშავედ ცნო და ორწლიანი პატიმრობა მიუსაჯა.

სასამართლომ გაიზიარა პროკურატურის მტკიცებულებები, რომელთა მიხედვითაც 2018 წლის 11 სექტემბერს ახმეტაში ოჯახში ძალადობისთვის პირობითი მსჯავრის ქვეშ მყოფმა პირმა ოჯახში იძალადა. კერძოდ, მან არარეგისტრირებულ ქორწინებაში მყოფ ქალს მისი არასრულწლოვანი შვილების თანდასწრებით რამდენჯერმე დაარტყა ხელი.

სამართალდამცველებმა აღნიშნული პირი 11 სექტემბერს ახმეტაში, საკუთარ საცხოვრებელ სახლში დააკავეს. მას ბრალი სისხლის სამართლის კოდექსის 1261 მუხლის მეორე ნაწილის "ბ" და "ე" ქვეპუნქტებით წარედგინა. აღნიშნული მუხლი ოჯახის ერთი წევრის მიერ სხვა წევრის მიმართ არასრულწლოვნების თანდასწრებით არაერთგზის ჩადენილ ძალადობას გულისხმობს, რამაც ფიზიკური ტკივილი გამოიწვია.