ჩვენი სახე იმაზე ბევრად მეტს იტევს, ვიდრე ჩვენ წარმოგვიდგენია და ამჯერად სულაც არ ვსაუბრობთ სულიერ სიღრმეებზე. სახის კანი შინაგანი ორგანოების ჯანმრთელობის კარგი ინდიკატორია. ასე რომ, მომარჯვეთ სარკე და ჩაიკითხეთ ეს სტატია.

შავი წრეები თვალების ქვეშ

შავი წრეები შეიძლება გენეტიკურიც იყოს, თუმცა თუ სიშავეები ადრე არ გქონდათ და ახლა რატომღაც გაგიჩნდათ, ესე იგი, ცხოვრების წესს უნდა გადახედოთ.

მუქ წრეებს ის ტოქსინები იწვევენ, რომლებიც სხეულიდან ვერ გამოიდევნა. მიზეზი კი მრავალი შეიძლება იყოს: ტკბილეულისა და ცხიმიანი საჭმლის ჭარბად მოხმარება, წამლები და რომელიმე საკვების მიმართ ალერგიაც კი. იმ ადამიანებს, რომლებიც ფასტფუდს ეტანებიან, ხშირად მოყვითალო-მოყავისფრო წრეები უჩნდებათ, შესიება კი მაღალ წნევაზე მიანიშნებს

ჭამეთ მეტი: ჭარხალი, სტაფილო, ბროკოლი.
ჭამეთ ნაკლები: ცომეული, რძის პროდუქტები, დამუშავებული საკვები.

გამომშრალი, დახეთქილი ტუჩები

თუ ტუჩები მაშინაც გისკდებათ, როცა გარეთ სულისგამყინავი სიცივე და ქარი არაა, შეიძლება მიზეზი მომნელებელი სისტემა იყოს.

ტუჩის დახეთქილი კუთხეები და სიწითლე ვიტამინების, თუთიის ან რკინის ნაკლებობის ბრალი შეიძლება იყოს.

მიიღეთ მეტი: წყალი, წვნიანები, მარცვლეული კულტურები და თევზი.
მიიღეთ ნაკლები: შაქარი, ალკოჰოლი, რძე და გლუტენი.

ღაჟღაჟა ლოყები ან დახეთქილი კაპილარები

ლოყები და ფილტვები ერთმანეთთან არის დაკავშირებული, შესაბამისად, წითელი ლოყები შეიძლება სუნთქვის პრობლემებს ნიშნავდეს. სწორედ ამიტომ გვიწითლდება ლოყები, როცა გაციებულები ვართ.

შესიებული ლოყები შეიძლება მოწევის ბრალიც იყოს.

ჭამეთ ნაკლები: რძის პროდუქტები, პური, შოკოლადი, მარგარინი და დამუშავებული საკვები.
ჭამეთ მეტი: ვიტამინ C-ს და ვიტამინ A-ს შემცველი საჭმელი, ჩიას თესლები, ქოქოსის ზეთი, თევზი, ანანასი, ვაშლები, სტაფილო და დალიეთ მეტი ყავა.

თხელი წარბები

თხელი წარბები სტრესის მთავარი ინდიკატორია. უჩვეულოდ გრძელი ბეწვები წარბზე კი შეიძლება ფარისებრი ჯირკვლის ცუდად მუშაობაზე მიანიშნებდეს.

ჭამეთ მეტი: ციტრუსი, მარწყვი, თხილეული
ჭამეთ ნაკლები: მარილიანი საჭმელი, ბროკოლი, ყვავილოვანი კომბოსტო, ბრიუსელის კომბოსტო და დალიეთ ნაკლები ალკოჰოლი.

მუწუკები ნიკაპზე

თუ თქვენ იმ ათასობით ქალს მიეკუთვნებით, რომლებსაც დროდადრო ნიკაპზე მუწუკი ამოსდით, არ იდარდოთ, მიზეზი ოვულაციაა.

მეტიც, ყოველთვიურად მუწუკი ნიკაპის სხვადასხვა მხარეს ამოდის ხოლმე, იმის მიხედვით, რომელი საკვერცხეა მომწიფებული.

ჭამეთ მეტი: თევზი, გოგრის მარცხვლები, ჩიას მარცხვლები, ბროკოლი.
ჭამეთ ნაკლები: ტკბილეული, ცხიმიანი ხორცი, სოსისები, პიცა, ყველი, ბადრიჯანი.

იმედია, საკუთარი სახის წაკითხვა ჯანსაღი ჩვევების დანერგვაში დაგეხმარებათ.