დედამიწაზე არსებობს ადგილები, სადაც ფეხის დაბიჯება ყველას ეკრძალება. მათ შორისაა ისლანდიაში მდებარე კუნძული სურტსეი, რომელიც 1963 წელს ვულკანის 3-წლიანი ამოფრქვევის შემდეგ წარმოიქმნა.

ამ დროისთვის, კუნძულზე სამეცნიერო სამუშაოები მიმდინარეობს, რომელმაც უნდა გამოარკვიოს, როგორ შეიძლება განვითარდეს იქ ეკოსისტემა ადამიანის ჩარევის გარეშე.

ადგილზე ყოფნის უფლება მხოლოდ ორ მეცნიერს აქვს, რომლებიც იქ მდებარე ერთადერთ პატარა სახლში ცხოვრობენ. ალბათ ხვდებით, რომ ამ კუნძულზე ბევრი ამბავი არ გვექნება მოსაყოლი, მხოლოდ ერთი, რომელიც პომიდორს შეეხება.

კი, სწორად გაიგეთ. პომიდორი ვახსენეთ. კუნძულზე ჩასვლამდე, მეცნიერები საგულდაგულოდ გაჩხრიკეს, რომ ადგილზე ნებით თუ უნებლიეთ მცენარის თესლი არ ჩაეტანათ. თუმცა, ეს უმთავრესი წესი ვიღაცამ კარგად ვერ დაიცვა და ახალჩასული ლავის წარმონაქმნზე მოისაქმა.

ასე დაირღვა კუნძულზე ადამიანის შეუხებლობის წესი პირველად, რის შემდეგაც, მის ზედაპირზე პომიდორის ყლორტმა ამოხეთქა. მას შემდეგ, რაც მეცნიერებმა მცენარის წარმოქმნის მიზეზი გაარკვიეს, ის მაშინვე გაანადგურეს, რომ ისტორიული სამეცნიერო კვლევა არ ჩაეშალათ.

ესაა კუნძული, რომელიც 1963 წელს ოკეანეში ჩასული ლავისგან წარმოიქმნა

და მისი მშობელი მართლაც სამწლიანი ვულკანი იყო

კუნძულის დათვალიერება მხოლოდ შორიდან შეგიძლიათ

იქ ჩასვლა ყველას ეკრძალება, რათა გაირკვეს, როგორ ვითარდება ეკოსისტემა ადამიანის ჩარევის გარეშე

ესეც მეცნიერების სახლი

სურტსეი

ცნობილი პომიდვრის ყლორტი

პირველი მცენარე, რომელიც ბუნებრივად, ადამიანის ჩარევის გარეშე გაიზარდა, ხავსია

პირველი ფრინველები

ფოტოები: The Surtsey Research Society