Netflix-ის აღმასრულებელი დირექტორი, ჯონათან ფრიდლენდი სამსახურიდან N-სიტყვის გამო დაითხოვეს.

აღნიშნული ინციდენტი რამდენიმე თვის წინ მოხდა, როდესაც ფრიდლენდმა ნეტფლიქსის თანამშრომლებთან შეხვედრის დროს რასისტული სიტყვები გამოიყენა, რასაც თანამშრომლების მხრიდან პროტესტი მოჰყვა და რამდენიმე მათგანმა შეხვედრა დატოვა კიდეც.

ამ ამბის შემდეგ, ჯონათანი ნეტფლიქსის ადამიანური რესურსების მართვის სააგენტომ შეხვედრაზე დაიბარა, რადგან მასთან მომხდარის შესახებ სურდათ საუბარი, ამ შეხვედრაზე ფრიდლენდმა იგივე სიტყვები კვლავ გამოიყენა.

ამ ისტორიის გასაჯაროების შემდეგ, ჯონათანმა ბოდიში მოიხადა, თუმცა ნეტფლიქსის სამეურვეო საბჭომ მიზანშეწონილად არ მიიჩნია მისი სამსახურში დატოვება და შვიდწლიანი თანამშრომლობის შემდეგ ის სამსახურიდან გაუშვეს.