პოლ მაკარტნიმ ისტორიულ Carpool Karaoke-ში მიიღო მონაწილეობა და ჯეიმს კორდენთან ერთად, ლივერპულის ის ადგილები დაათვალიერა, რომლებიც ბითლზის წევრებს უკვდავი მუსიკის შექმნაში დაეხმარა.

მაყურებელი დაუვიწყარი მოგზაურობის მხოლოდ 23 წუთსა და 42 წამს ნახავს, თუმცა ამ დროის განმავლობაში უამრავ რამეს გაიგებს — მაგალითად, რამ შთააგონა პოლ მაკარტნის Let It Be-ს დაწერა.

ვიდეოში მოისმენთ საყვარელ სიმღერებს, ნახავთ პოლის ბავშვობის სახლს, ასევე უამრავი ისეთი რამ გელით, რაც ბითლზის ნოსტალგიას გაგიღვიძებთ და სჯობს, სიურპრიზად დავტოვოთ, რადგან სიტყვებით ვერაფრით აღგიწერთ იმას, რასაც ვიდეოში ნახავთ.