Echowaves ახალი მუსიკალური ფესტივალია, რომელიც ანაკლიაში 23 აგვისტოდან 26 აგვისტოს ჩათვლით გაიმართება.

ფესტივალში მონაწილეობას 150-ზე მეტი არტისტი მიიღებს. ფესტივალი ცნობილი ევროპული ბრენდის, EXIT-ის ქოლგის ქვეშ გაიმართება, რომელიც 2014 წელს ევროპის საუკეთესო ფესტივალად აღიარეს, თავად EXIT კი 2000 წელს დაარსდა და მას საფუძველი დიდი სტუდნეტური მოძრაობის შედეგად დაედო, რომელიც სერბეთში დამოუკიდებლობისთვის მოსაპოვებლად იბრძოდა.

Echowaves-ის ორგანიზებაში სწორედ EXIT-ის მრავალწლოვანი გამოცდილების მქონე ჯგუფია ჩართული. საორგანიზაციო ჯგუფი უკვე იმყოფებოდა ანაკლიაში და ადგილზე გაეცნო ყველა ტექნიკურ დეტალს, რომელიც ფესტივალის გამართულად მუშაობისთვის არის საჭირო. მათ შორის დაათვალიერეს ბულვარის ტერიტორია სადაც განთავსდება ფესტივალის სცენები და ყველა საჭირო ობიექტი.

ფესტივალის დადასტურებულ სტუმრებს შორის არიან JUAN ATHKINS FEAT DZIJAN EMIN AND TBILISI CONSERVATOIRE ORCHESTRA, TRICKY, ARIL BRIKHA, SOLOMUN, ANDREY PUSHKAREV, KOLLEKTIV TURMSTRASSE და სხვები.

რაც შეეხება ბილეთებს, მათი გაყიდვა უკვე დაიწყო და 4 დღიანი MULTI-PASS-ის საწყისი ფასი 120 ლარია. თუმცა მათთვის, ვინც დარეგისტრირებულია Super Early Bird-ზე, ფასი ფესტივალის დაწყებამდე იგივე რჩება.

4 დღის მანძილზე, ანაკლიის სანაპიროზე ჩამოსულ სტუმრებს საშუალება ექნებათ კარგ მუსიკასაც მოუსმინონ და ანაკლიის სანაპირო მაქსიმალურად აითვისონ - აქ იქნება სახელოვნებო სივრცე, სპორტულ-გამაჯანსაღებელი აქტივობები და იმუშავებს აკვა-პარკი. ორგანიზატორების თქმით, მაქსიმალურად იქნება დაცული საფესტივალო ცხოვრებასთან დაკავშირებული უსაფრთხოების ზომები.

ბილეთების შეძენა შეგიძლიათ საიტებზე: eventer.ge, tkt.ge და biletebi.ge