სიგარეტის მოწევა რომ ჯანმრთელობას აზიანებს, ამაზე მთელი მსოფლიო თანხმდება, თუმცა თუ გვერდით გადავდებთ გაშავებული ფილტვების შემაშფოთებელ სურათებს, ამ ცუდ ჩვევას კიდევ ბევრი შემაწუხებელი გვერდითი ეფექტი აქვს.

შეიძლება, ჯანმრთელობაზე არაფერი გქონდეთ საწუწუნო, მაგრამ ქვემოთ ჩამოთვლილ უსიამოვნებებს მაინც ვერსად გაექცევით.

1. ტანსაცმელს თამბაქოს სუნი ასდის

ფოტო: Rien Pipe

არამწეველი ადამიანები კი ამ სუნს განსაკუთრებულად ვერ ეგუებიან.

2. კბილები ფერს იცვლის

ფოტო: Trainer

შესაბამისად, ჩვენი ღიმილიც ნაკლებად მომხიბლავი ხდება.

3. ყვითლდება ფრჩხილებიც

ფოტო: WebMD

და ამასთან ბრძოლა მხოლოდ ლაქით შეიძლება.

4. სათანადოდ ვერ მუშაობთ

ფოტო: independentnurse

გაიხსენეთ, როგორი შემაწუხებელია, როდესაც სამსახურში ხართ, მნიშვნელოვან საქმეებს აგვარებთ და პარალელურად ყოველ 30 წუთში გარეთ გასვლა და მოწევა გიწევთ.

გარდა ამისა, დაგვერწმუნეთ, რომ არამწეველი უფროსები ყველა წუთს გითვლიან, რომელსაც მოწევაში ხარჯავთ.

5. სულ სანთებელას ეძებთ

ფოტო: bel-pult

ამ ტკივილს მხოლოდ მწეველები გაიგებენ.

6. განწყობა დამოკიდებულია იმაზე, გაქვთ თუ არა სიგარეტი

ფოტო: Crosswalk

გულზე ხელი დაიდეთ და აღიარეთ, რომ შუაღამისას არაერთხელ ამდგარხართ ლოგინიდან და სიგარეტის მოსატანად მაღაზიაში წასულხართ. გარშემომყოფების თვალში ეს ძალიან უცნაური საქციელია.

7. სიგარეტი სულ უფრო მეტად ძვირდება

ფოტო: Mark Lennihan/AP

ყველაფერს რომ თავი დავანებოთ, სიგარეტი სულ უფრო მეტად ძვირდება, რაც ჩვენს ყოველთვიურ ბიუჯეტს საგრძნობლად აზარალებს.

8. ბავშვებს საშინელ მაგალითს აძლევთ

ფოტო: Shutterstock

ბავშვებს ვარიგებთ, რომ ჯანსაღი ცხოვრების წესი მნიშვნელოვანია, მეორე წუთს კი მათ თვალწინ ვეწევით.

9. პარტნიორის პოვნის შანსს იმცირებთ

ფოტო: Cigarettes Reporter

თუ არ იცით, გეტყვით, რომ გარშემო უამრავი გოგო და ბიჭია, ვისაც მწეველების კოცნა არ მოსწონს.

10. აფუჭებთ საკუთარ და სხვების ავეჯს / ტანსაცმელს

ფოტო: Shutterstock

ალბათ ყველა მწეველის სახლში მოიძებნება ერთი ძვირადღირებული სავარძელი მაინც, რომელიც სიგარეტით არის ამომწვარი. სხვათაშორის, ასე შეიძლება სახლიც კი გადაწვათ.