პიანისტმა როიალი ადგილზე საკუთარი ველოსიპედით მიიტანა.

ფოტო: CNN

დალასის პოლიციის დეპარტამენტის შენობის გარეთ, მოკლული პოლიციელების მემორიალზე, შეკრებილი მოქალაქეები გაოცდნენ, როდესაც დაინახეს, რომ ჯენტლმენმა ადგილზე როიალი ველოსიპედით მიაგორა.

"მას სიტყვაც არ უთქვამს, მოთავსდა როიალის წინ და ჯონ ლენონის Imagine შეასრულა" - წერს CNN.

როგორც ამერიკულ გამომცემლობას თვითმხილველმა უთხრა, მისტიკურმა პიანისტმა ადგილი ისე დატოვა, რომ არაფერი უთქვამს და არც ჟურნალისტების კითხვებისთვის უპასუხია.

ამის მიუხედავად მოგზაური პიანისტის ამოცნობა დასავლურ მედიას არ გასჭირვებია. ის დევიდ მარტელოა, რომელსაც ტვიტერის პირად ანგარიშზე ეწერა, რომ აპირებდა დალასში პერფორმანსის გამართვას.

5 პოლიციის ოფიცერი დაიღუპა და 8 დაიჭრა დალასში 8 ივლისს, როდესაც ადგილობრივმა 25 წლის მიკ ჯონსონმა მათ ცეცხლი გაუხსნა. ჯონსონმა სამართალდამცავებზე თავდასხმა პოლიციის მიერ 2 შავკანიანი ადამიანის მკვლელობის წინააღმდეგ გამართულ საპროტესტო აქციაზე განახორციელა.