This Is Us-ის ვარსკვლავი კრისი მეტზი ამბობს, რომ წონის გამო ხშირად დასცინოდნენ, რაც ახლაც კი, მრავლი წლის შემდეგ მას ემოციურ ტკივილს აყენებს.

"მახსოვს როგორ დამცინოდა მამინაცვალი, უამრავ შეურაცხმყოფელ სიტყვას ამბობდა ჩემი გარეგნობის აღსაწერად. მაშინ სულ რაღაც 8 წლის ვიყავი. დედა სულ მუშაობდა და მიწევდა მამინაცვალთან დარჩება, ის კი მიმეორებდა, რომ არავის ვუყვარვარ და თუ სამუდამოდ ასეთი დავრჩებოდი ზედაც არავინ შემომხედავდა. ჩემი სხეული აღიზიანებდა, როდესაც ვჭამდი მიყურებდა და დამცინოდა, ერთხელ იხუმრა, რომ მაცივარს ბოქლომს დაადებდა. სამწუხაროდ დალხენილი ცხოვრება არ მქონდა, ამ ყველაფერს ისიც ერთვოდა, რომ ძალიან გვიჭირდა და ხშირად საჭმლის ფულიც კი არ გვქონდა, სწორედ ამიტომ, ჭამა ჩემი ერთადერთი ბედნიერება იყო", - ყვება ოქროს გლობუსის ნომინანტი მსახიობი.

გარდა ამისა, მეტზი იხსენებს, რომ მამინაცვალი მას ფიზიკურადაც უსწორდებოდა.

"ღამე, როდესაც ყველა იძინებდა ჩუმად ვჭამდი. ძირითადად ჩიფსებს და სენდვიჩებს, იმას რასაც ოთახში შევიტანდი და შეუმჩნეველი დავრჩებოდი. არ მახსოვს, ტრიგერმა [მამინაცვალი] პირველად როდის დამარტყა, თუმცა სახეზე არასდროს შემხებია, ძირითადად ტანზე მიტყამდა, ერთხელ სამზარეულოს იატაკზეც დამაგდო და მითხრა, რომ არასწორი გარეგნობა მქონდა. ეს ყველაფერი ჩემზე ძალიან მოქმდებდა, სკოლაში, სახლში, ეზოში ყველა თითს იშვერდა ჩემკენ და მხოლოდ ერთ მსუქან გოგოს ხედავდა, რომელიც ცხოვრებაში ვერაფერს მიაღწევდა", - იხსენებს კრისი.

კრისი მეტზი დღეს ერთ-ერთი ყველაზე წარმატებული და მაღალანაზღაურებადი ქალი მსახიობია ტელევიზიაში.