საქართველოს პარლამენტის დეპუტატმა ქართული ოცნებიდან, დავით ჭიჭინაძემ აგრარულ საკითხთა კომიტეტის სხდომაზე საუბრისას გლეხები დისკრიმინაციულ კონტექსტში მოიხსენია.

პარლამენტში აზიური ფაროსანას წინააღმდეგ დაგეგმილი ღონისძიებების საკითხი განიხილებოდა. სოფლის მეურნეობის მინისტრის მოადგილემ აღნიშნულ სხდომაზე თქვა, რომ საჭიროა მოსახლეობის ცნობიერების ამაღლება, რათა ფაროსანას წინააღმდეგ ბრძოლას შედეგი ჰქონდეს.

სწორედ ამას მოჰყვა დეპუტატ ჭიჭინაძის რეპლიკა:

"მოსახლეობა ასე მივატოვოთ და მარტო ვასწავლოთ... სწავლა რომ უყვარდეს, ის გლეხი არ იქნებოდა, დამიჯერეთ, სხვა ადგილს მიაგნებდა ამ ცხოვრებაში."

საქართველოს მთავრობა მავნებლის წინააღმდეგ საბრძოლველად გაზაფხულიდან მასშტაბურ ღონისძიებებსა და ამ ღონისძიებებისთვის გამოყოფილი დაფინანსების გაზრდას გეგმავს.