ოპოზიციონერი პოლიტიკოსი საბა ბუაძე წუხელ თბილისში მოსულ უხვ ნალექს სოციალურ ქსელში ეხმაურება. მისი თქმით, ერთადერთი რაშიც კალაძე არ ტყუის არის ის, რომ წვიმა ყველგან მოდის. რაშიც ტყუის არის: 1. გაუმართავი სანიაღვრე/სადრენაჟე სისტემები; 2. მოუწესრიგებელი წვიმის კოლექტორები; 3. ჩაბეტონებული ზედაპირები.

"რაშიც კალაძე არ ტყუის არის ის, რომ წვიმა ყველგან მოდის. დღევანდელი წვიმაც ნამდვილად არ გამოდგა ჩვეულებრივი და უხვი ნალექის გამო ისევ დაიტბორა ქალაქი და დაზიანდა კერძო საკუთრება. რაშიც ტყუის არის ის თუ რა იწვევს ქალაქის ასეთ დატბორვას:

1. გაუმართავი სანიაღვრე/სადრენაჟე სისტემები;

2. მოუწესრიგებელი წვიმის კოლექტორები;

3. ჩაბეტონებული ზედაპირები, რომელიც წვიმის წყლის შეწოვის ნაცვლად, ტერიტორიას უზარმაზარ გუბედ აქცევს — როცა ნიადაგი წყალს ვერ იწოვს, ხდება მისი დაგროვება და დიდი ნაკადი მიედინება ქუჩებზე;

რა გვჭირდება ამის გასამკლავებლად:

1. მეტი წყალგამტარი ზედაპირები და წყლის შემაკავებელი სისტემები — შენობების თავზე არსებული მწვანე ზედაპირები;

2. პრობლემური წერტილების აუდიტი და ზედაპირის ქვემოთ წვიმის კოლექტორი დიდი რეზერვუარები;

3. სწორი ურბანული დაგეგმვა და ნაკლები ბეტონის ჯუნგლები;

ამის გაკეთებას უნდა სულ მცირე იმის აღიარება, რომ რაღაც სხვანაირადაა გასაკეთებელი, მაგრამ თვითკმაყოფილ და კორუმპირებულ ქალაქის მაოხრებელს ამის უნარიც კი აღარ გააჩნია", — წერს საბა ბუაძე.

თბილისში მოსულმა უხვმა ნალექმა ვარაზის ხევში ქვაფენილი აყარა. გზები დაიტბორა დიდ დიღომში, "გუდვილის" მიმდებარე ტერიტორიაზე, ასევე, სოფელ დიღომში რამდენიმე ლოკაციაზე, უნივერსიტეტის და თამარაშვილის ქუჩების კვეთაზე, მტკვრის მარჯვენა სანაპიროზე, ერისთავის ქუჩაზე