ბაზისბანკისა და მრავალპროფილური სამედიცინო ცენტრ ინოვას პარტნიორობით, ქართულ სამედიცინო სფეროში უახლესი გლობალური მიღწევების დანერგვა აქტიურად გრძელდება. ბანკის ფინანსური მხარდაჭერით, კლინიკამ ულტრათანამედროვე აპარატურა, მათ შორის მინიმალურ-ინვაზიური, რობოტული ქირურგიის ტექნოლოგია დანერგა, რაც მნიშვნელოვანი პროგრესია საქართველოს ქირურგიული და სარეაბილიტაციო მიმართულებების სფეროში.

ქვეყნის კრიტიკულად მნიშვნელოვანი დარგის განვითარება და სოციალური პასუხისმგებლობა ის ფუნდამენტია, რომელსაც ბაზისბანკისა და მრავალპროფილური სამედიცინო ცენტრ ინოვას პარტნიორობა ეფუძნება.

“ჯანმრთელობა ყველაზე დიდი ღირებულებაა, უკვე 11 წელია ინოვა უამრავ პაციენტს ეხმარება. ჩვენი მიზანი მუდმივი განვითარებაა, ვნერგავთ თანამედროვე მედიცინის გლობალურ მიღწევებს და ახალ საფეხურზე აგვყავს ქირურგიული თუ სარეაბილიტაციო მიმართულებები. რობოტული ქირურგიის დანერგვაც სწორედ ამ პროგრესის დასტურია, რაც ხელს უწყობს ჩვენი პაციენტების გამოჯანმრთელების პროცესის სისწრაფესა და უსაფრთხოებას.

უდიდესი მნიშვნელობა აქვს სანდო პარტნიორს, რომელიც აფასებს პროგრესს და ცდილობს, არასდროს ჩამორჩეს მას. ინოვაში ულტრათანამედროვე აპარატურა ბაზისბანკის მხარდაჭერით დაინერგა, რამაც საშუალება მოგვცა, მედიცინის უახლესი მიღწევები კიდევ უფრო მეტი ადამიანისთვის გაგვეხადა ხელმისაწვდომი“. — ინოვას ბიზნეს ოპერაციების დირექტორი, ნინო სიგუა.

“ჩვენთვის პრიორიტეტულია ისეთი ინოვაციური და მასშტაბური პროექტების დაფინანსება, რომლებიც პირდაპირ აუმჯობესებს ადამიანების ცხოვრების ხარისხს და ინოვას მსგავს მსხვილ ბიზნესს აძლევს საშუალებას, ჰქონდეს წვდომა უახლეს სამედიცინო ტექნოლოგიებზე. ჩვენთვის პარტნიორობა მხოლოდ ფინანსური დასაყრდენი არ არის. ეს არის ორმხრივი ნდობა და საერთო მიზანი, რომლის მთავარი ამოსავალი წერტილიც ადამიანების ჯანმრთელობაზე ზრუნვაა“. — ბაზისბანკის კორპორატიული ჯგუფის უფროსი, ლევან გიორგაძე.

ბაზისბანკის და ინოვას პარტნიორობის ვიდეო ისტორია