19 წლის ბრიტანელი ფისო, ლარი, დაუნინგ სტრიტის 10 ნომერს უკვე 15 წელია, რაც აკონტროლებს. პრემიერმინისტრის რეზიდენციის წინ მოხეტიალე ფისომ როგორც ხალხის, ისე თავად ადმინისტრაციის ყურადღება მიიქცია. ლარიმ მალევე გაერთიანებული სამეფოს მთავრობის კაბინეტის ოფისის უფროსი მეთაგვის პოზიცია დაიკავა.

ფოტო: AP

ლარი 2011 წელს პრემიერმინისტრმა დევიდ კამერონმა და მისმა მეუღლემ, სამანტამ, ბათერსის ძაღლებისა და კატების თავშესაფრიდან წამოიყვანეს. "მოხარულები ვართ, რომ ლარის ახალი სახლი აქვს", — ასე მიეგება კამერონი ბრიტანეთის კაბინეტის ოფისის უფროს მეთაგვეს.

როგორც ცნობილია, ლარის მოვალეობებში შედის როგორც თაგვის დაჭერა, ისე ქუჩის კონტროლი. თუმცა, დარწმუნებით ვერ ვიტყვით, რომ ფისო ამ საქმის ექსპერტია. ამის მიუხედავად, ლარიმ 6 პრემიერმინისტრი გამოიცვალა.

ჰამფრი, გაერთიანებული სამეფოს მთავრობის კაბინეტის ოფისის უფროსი მეთაგვე (1989-97)

ჰამფრი, გაერთიანებული სამეფოს მთავრობის კაბინეტის ოფისის უფროსი მეთაგვე (1989-97)

ფოტო: AP

ფოტო: NBC News

აღსანიშნავია, რომ ლარი არ იყო პირველი ფისო, რომელიც ამ პოზიციას დაეპატრონა. უფროსი მეთაგვის ტიტული მანამდე მარგარეტ ტეტჩერის პრემიერმინისტრობის დროს შემოკედლებულ კატას, ჰამფრის, ეკავა. ჰამფრიმ მუშაობა 1989 წელს დაიწყო და 1997 წელს პენსიაზე გავიდა.

წლების განმავლობაში, რთულ სიტუაციებში, კერძოდ, პროტესტებსა და დაპირისპირებებში, ლარი გაერთიანებული სამეფოს ნათელი წერტილი იყო. მედია ხშირად აფიქსირებდა ფისოს, თუ როგორ მისდევდა ის მტრედებს ან აძლევდა რეპორტიორებს ინტერვიუს.

ფოტო: X

ლარი ამაყად ატარებს მთავრობის კაბინეტის ოფისის უფროსი მეთაგვის ტიტულს და ჯერჯერობით არ აპირებს პენსიაზე გასვლას.