ოსკარის მიღება ყველა მსახიობისთვის კარიერის ერთგვარი მწვერვალია. ეს აკადემიის აღიარებაა იმისა, რომ შრომამ შედეგი გამოიღო და თქვენი შესრულება იმდენად შთამბეჭდავი იყო, რომ მათ სურვილი გაუჩნდათ, თქვენს კატეგორიაში საუკეთესოდ გამოეცხადებინეთ. როგორც უამრავი მსახიობი ადასტურებს — რომლებსაც სცენაზე ასეთი ოქროს მომენტი არ ჰქონიათ — ამ ჯილდოს მიღება წარმოუდგენლად რთულია.

ჰოლივუდის საუკეთესო მსახიობების დიდმა ნაწილმა ოსკარის არაერთი ნომინაცია მოიპოვა, თუმცა, გასაკვირია, რომ სინამდვილეში ვერცერთი მოიგო. გლენ კლოუზისა და სემუელ ელ ჯექსონის მსგავსი ლეგენდებიდან დაწყებული, შედარებით ახალი ვარსკვლავებით დამთავრებული, როგორებიც არიან ბრედლი კუპერი და სირშა რონანი.

ვნახოთ, როგორ გამოიყურება ოსკარის გარეშე დარჩენილი ვარსკვლავების სია:

1. სემუელ ელ ჯექსონი

შეიძლება ვიფიქროთ, რომ სამუელ ელ ჯექსონს შთამბეჭდავი ფილმოგრაფია მას ოსკარს მოუტანდა, თუმცა მას არც ერთი არ აქვს და სინამდვილეში, მხოლოდ ერთხელ იყო ნომინირებული.

1995 წელს ის ნომინირებული იყო კვენტინ ტარანტინოს საკულტო ფილმ — მაკულატურასთვის, სადაც მან საუკეთესო მეორეხარისხოვანი როლის შემსრულებელი მსახიობის ნომინაციაში მარტინ ლანდაუსთან წააგო.

ჯექსონს 2022 წელს კინოში მიღწეული წვლილისთვის საპატიო ოსკარი მიენიჭა, თუმცა მას ჯერჯერობით არ მოუპოვებია ოსკარი ინდივიდუალური შესრულებისთვის.

2. ტომ კრუზი

ტომ კრუზი შეიძლება ყველა დროის ერთ-ერთი ყველაზე შთამბეჭდავი კინომსახიობი იყოს, მაგრამ მასაც კი არ მიუღია ოსკარი, მიუხედავად ოთხი ნომინაციისა.

ის ორჯერ იყო ნომინირებული საუკეთესო მსახიობის კატეგორიაში, ფილმებისთვის — ოთხ ივლისს დაბადებული და ჯერი მაგუაიერი, თუმცა ამ კატეგორიებში ოსკარი დენიელ დეი-ლუისისმა და ჯეფრი რაშმა მოიპოვეს.

მსახიობი ასევე იყო წარდგენილი, როგორც საუკეთესო მეორეხარისხოვანი როლის შემსრულებელი მსახიობი კაცი ფილმისთვის — მაგნოლია, თუმცა იმ წელს ოსკარი სახლში მაიკლ კეინმა წაიღო.

კრუზმა, 23 წლის შემდეგ, საბოლოოდ კიდევ ერთი ნომინაცია მოიპოვა, როგორც პროდიუსერი ფილმისთვის — ტოპ განი: მავერიკი, თუმცა ჯილდო საბოლოოდ ფილმ ყველაფერი ყველგან ერთდროულად-ს ერგო.

3. ანჯელა ბასეტი

ანჯელა ბასეტმა 2023 წელს კინოში მიღწეული წვლილისთვის საპატიო ოსკარი მიიღო, რაც, სავარაუდოდ, იმის აღიარებაა, რომ ვეტერანი მსახიობი წარსულში ძალიან ბევრჯერ იყო უგულებელყოფილი.

საპატიო ჯილდოს გარდა, ბასეტს მხოლოდ ორი ოსკარის ნომინაცია აქვს — საუკეთესო მსახიობი ქალის ნომინაცია ფილმისთვის What's Love Got to Do With It, სადაც თინა ტერნერის როლი მოირგო და საუკეთესო მსახიობი მეორეხარისხოვან როლზე, ფილმისთვის შავი პანტერა: ვაკანდა სამუდამოდ.

4. ჯიმ კერი

ჯიმ კერის, ჩვენდა გასაკვირად, არასოდეს მოუპოვებია ოსკარის ნომინაცია. იმის მიუხედავად, რომ მას მონაწილეობა აქვს მიღებული კრიტიკოსების მიერ ისეთ აღიარებულ ფილმებში, როგორებიცაა — ტრუმენის შოუ და ბრწყინვალე გონების მარადიული ნათება.

მან ასევე არაერთი ნომინაცია მოიპოვა ოქროს გლობუსზე, რომელთაგან მხოლოდ ორ კატეგორიაში გაიმარჯვა.

5. სირშა რონანი

სირშა რონანმა ოსკარის პირველი ნომინაცია 2007 წელს, 13 წლის ასაკში მიიღო ფილმისთვის — მონანიება. ვინ წარმოიდგენდა, რომ 25 წლის ასაკში ის კიდევ სამ ნომინაციას მოიპოვებდა, და სამივეს მთავარი როლის შემსრულებელი მსახიობი ქალის კატეგორიაში.

ირლანდიელმა მსახიობმა საუკეთესო მსახიობი ქალის ნომინაცია მიიღო ფილმებისთვის — ბრუკლინი, Lady Bird და პატარა ქალები.

თუმცა, ერთი კარგი ტენდენციაა ის, რომ რონანის ყველა ფილმი, რომელშიც ნომინირებული იყო, ასევე ნომინირებული იყო საუკეთესო ფილმის ნომინაციაში, რაც იშვიათი მიღწევაა ოთხგზის ნომინანტისთვის.

6. ჯონი დეპი

ალბათ გაგიკვირდებათ, რომ ისეთ მსახიობს, როგორიც ჯონი დეპია, ოსკარის არცერთ კატეგორიაში არ გაუმარჯვია. მსახიობი სამჯერ იყო ნომინირებული საუკეთესო მსახიობი კაცის ნომინაციაზე, თუმცა ჯილდო არასდროს მიუღია.

პირველად მან ნომინაცია მიიღო ფილმისთვის კარიბის ზღვის მეკობრეები: შავი მარგალიტის წყევლა, თუმცა შონ პენთან დამარცხდა, შემდეგი ნომინაცია იყო ფილმისთვის — ნევერლენდის ძიებაში და ბოლოს, ნომინაცია მიიღო ფილმისთვის სუინი ტოდი: დემონ დალაქი ფლიტ-სტრიტიდან.

7. ბრედლი კუპერი

აკადემიას ძალიან, ძალიან მოსწონს ბრედლი კუპერი, მაგრამ არა იმდენად, რომ მას ოსკაროსანი მსახიობის ტიტული მიანიჭოს.

კინოვარსკვლავმა ზედიზედ სამი ნომინაცია მოიპოვა ოსკარზე 2010-იანი წლების დასაწყისში ფილმებისთვის — ვერცხლისფერი პიესები, ამერიკელი სნაიპერი და ამერიკული აფიორა. ხოლო ამის შემდეგ მოიპოვა ოსკარის ნომინაციები ფილმებისთვის — ვარსკვლავის დაბადება და მაესტრო.

გარდა ამისა, წლების განმავლობაში მას შვიდი ნომინაცია აქვს მოპოვებული თავისი პროდიუსერული და სცენარისტული ნამუშევრისთვის, მათ შორის საუკეთესო ფილმის ნომინაციები ფილმებისთვის — ამერიკელი სნაიპერი, ვარსკვლავის დაბადება, ჯოკერი, კოშმარული ხეივანი და მაესტრო.

8. გლენ ქლოუზი

გლენ ქლოუზი რეკორდსმენია, როგორც მსახიობი, რომელსაც უამრავი ნომინაცია აქვს მიღებული ოსკარზე, თუმცა არცერთხელ გაუმარჯვია. მსახიობს სულ რვა ნომინაცია აქვს — მათ შორის ერთი მეორეხარისხოვანი როლისთვის.

მანამდე, მისი პირველი სამი ნომინაცია ზედიზედ იყო წარდგენილი ისეთი ფილმებისთვის, როგორებიცაა — The World According to Garp, The Big Chill და The Natural, რომლებშიც ქლოუზი ჯესიკა ლენგთან, ლინდა ჰანტთან და პეგი აშკროფტთან დამაარცხდა.

ქლოუზის დანარჩენი ოთხი ნომინაცია საუკეთესო მსახიობი ქალის ნომინაციაში იყო, მან ნომინაციები მოიპოვა ფილმებისთვის საბედისწერო ლტოლვა და სახიფათო კავშირები. მოგვიანებით, ქლოუზმა საუკეთესო მსახიობი ქალის ნომინაცია მოიპოვა ფილმებისთვის — ალბერტ ნობსი და ცოლი.

9. რეიფ ფაინზი

რეიფ ფაინზს 7 ჰორკრუქსი აქვს, მაგრამ არცერთი ოსკარი.

პირველად საუკეთესო მეორეხარისხოვანი როლის შემსრულებელი მსახიობი მამაკაცის ნომინაცია მოიპოვა ფილმისთვის შინდლერის სია, ხოლო შემდეგ ფილმისთვის ინგლისელი პაციენტი, სადაც ჯილდო ჯეფრი რაშთან წააგო.

ფაინზმა წელს მესამედ მიიღო ოსკარის ნომინაცია საუკეთესო მსახიობი მამაკაცის ნომინაციაში კონკლავისთვის, სადაც ის ედრიენ ბროუდის, ტიმოთი შალამეს, კოლმან დომინგოსა და სებასტიან სტენს გაუწევს კონკურენციას.

10. მაიკლ კიტონი

და ბოლოს, სია დააგვირგვინა მაიკლ კიტონმა, რომელსაც ოსკარის ნომინაცია 2015 წლამდე საერთოდ არ მიუღია. მან პირველი და (ჯერჯერობით) ერთადერთი ნომინაცია მიიღო ფილმისთვის — ადამიანი ჩიტი.

კიტონმა, მომდევნო წელს, მონაწილეობა მიიღო საუკეთესო ფილმის ტიტულის მფლობელ ფილმში — ყურადღების ცენტრში , თუმცა მსახიობი არცერთ ნომინაციაში არ იყო წარდგენილი.

აქვე შეგახსენებთ, რომ ოსკარის რიგით 98-ე დაჯილდოვების ცერემონია 2026წლის 15 მარტს გაიმართება, ხოლო აკადემია ნომინაციებს იმავე წლის 22 იანვარს გამოაცხადებს.