გერმანიის ფედერალურ რესპუბლიკაში ოფიციალური ვიზიტით მყოფი გიორგი კვირიკაშვილის პატივსაცემად, ფედერალურ კანცელარიაში დახვედრის ოფიციალური ცერემონია გაიმართა.

საქართველოს პრემიერის საზეიმო დახვედრაზე გერმანიის კანცლერმა 2017 წელი საქართველო გერმანიის მეგობრობის წლად გამოაცხადა.

"ჩვენ ყურადღებით ვადევნებთ თვალს საქართველოში ეკონომიკური რეფორმის განვითარებას, ასევე ეკონომიკური ლიბერალიზაციის პროცესს" - განაცხადა გერმანიის კანცლერმა და დასძინა, რომ ეს საქართველოს და გერმანიის ეკონომიკურ მეგობრობას ხელს შეუწყობს.

ანგელა მერკელის თქმით 2018 წელს საქართველო წარმოდგენილი იქნება ფრანკფურტის წიგნის ბაზრობაზე გერმანიაში:

"ეს დაეხმარებათ გერმანელებს ქართველი მწერლებისა და ქართული კულტურის გაცნობაში".

ანგელა მერკელმა საქართველოსთვის ვიზალიბერალიზაციის მინიჭებასა და საქართველო-რუსეთის ურთიერთობებზეც ისაუბრა.