ჩინეთის კომუნისტური პარტიის თავმჯდომარის, სი ძინპინის, განცხადებით, ჩინეთის თაივანთან გაერთიანებას ვერავინ შეაჩერებს.

"თაივანის სრუტის ორივე მხარეს მყოფი ხალხი ერთ ოჯახს წარმოადგენს. ჩვენს ოჯახურ კავშირებს ვერავინ გაწყვეტს და ეროვნული გაერთიანების ისტორიულ ტენდენციას ვერავინ შეაჩერებს", — განაცხადა სი ძინპინმა საახალწლო მიმართვაში.

ამასთან, მისი თქმით, 2025 წელს ეკონომიკური ზრდის ხელშეწყობის მიზნით ჩინეთი უფრო პროაქტიურ პოლიტიკას განახორციელებს.

"ამჟამინდელი ეკონომიკური აქტივობა ახალი გამოწვევების წინაშე დგას, მაგრამ შეგვიძლია ჩვენი შრომისმოყვარეობით წარმატებას მივაღწიოთ. როგორც ყოველთვის, ჩვენ ქარსა და წვიმაში ვიზრდებით და რთულ დროში უფრო ძლიერები ვხდებით", — აღნიშნა ჩინეთის პრეზიდენტმა.