1-ელი დეკემბრის დილით, 6:15 საათზე, აქციის მონაწილეები კვლავ რუსთაველზე რჩებიან და მესამე ღამეა უწყვეტ პროტესტს მართავენ.

მოქალაქეები ჟურნალისტებთან ამბობენ, რომ არ დაიღლებიან, რადგან საქმე საქართველოს პროევროპული მომავლის დაცვას ეხება და ქვეყანაში თუ მმართველი პარტიის პოლიტიკური დღის წესრიგი არ შეიცვალა საქართველო ვერასდროს გახდება ევროკავშირის წევრი.

30 ნოემბერს ასევე, ცნობილი გახდა რომ შეერთებულმა შტატებმა საქართველოსთან სტრატეგიული თანამშრომლობა შეაჩერა.

"პროდასავლური კურსი გადასარჩენია" — აცხადებენ აქციის მონაწილეები და აღნიშნავენ, რომ 2024 წლის გაყალბებული არჩევნების შედეგები გასაუქმებელია, რის შემდეგაც ხელახალი არჩევნები უნდა ჩაინიშნოს.

შეგახსენებთ, მასშტაბური პროტესტი ირაკლი კობახიძის განცხადებას მოჰყვა, რომელმაც სპეციალურ ბრიფინგზე განაცხადა, რომ მმართველი პარტია ევროკავშირთან მოლაპარაკებებს 2028 წლამდე აჩერებს.

"გაიფიცე!" — წარწერა ბარიკადებზე;

დილის საათები რუსთაველზე;

ვიდეო: NEWS.On.ge / ბექა შელია