დღეს, 21 აგვისტოს საქართველოს ცენტრალური საარჩევნო კომისიის თავმჯდომარეს, თამარ ჟვანიასა და 2016 წლის თებერვლის მონაცემებით არსებულ კომისიის წევრებს სასამართლოში, მოწმის სტატუსით, დაჰკითხავენ. ამის შესახებ ინფორმაციას საქართველოს ახალგაზრდა იურისტთა ასოციაცია ავრცელებს.

ორგანიზაციაში აღნიშნავენ, რომ დღევანდელ სხდომაზე სასამართლო ცესკოს წინააღმდეგ აგრძელებს საქართველოს საარჩევნო ადმინისტრაციის პროფესიული კავშირის 18 წევრის სარჩელის განხილვას.

"მოსარჩელეები სასამართლოში დავობენ, რომ 2016 წლის თებერვალში ჩატარებული კონკურსის დროს ცესკომ საოლქო საარჩევნო კომისიების წევრებად მართ არჩევაზე უარი დისკრიმინაციული მოტივით (პროფესიული კავშირის წევრობის ნიშნით) უთხრა", - ამბობენ საიაში და დასძენენ, რომ ცესკომ მითითებულ კონკურში საქართველოს საარჩევნო ადმინისტრაციის პროფესიული კავშირის არცერთი წევრი შეარჩია.

საიას განმარტებითვე, ის პირი, რომელმაც კონკურსამდე ცოტა ხნით ადრე პროფესიული კავშირი დატოვა კომისიის წევრად აირჩიეს.

მოსარჩელეების ინტერესებს სასამართლოში საია იცავს.