ბრიტანული მუსიკალური ჯგუფი Placebo საქართველოში დაგეგმილ კონცერტს აუქმებს.

მათ ოფიციალურ სოციალურ ქსელებში დღეს განცხადება გამოქვეყნდა, რომელშიც ჯგუფი აცხადებს, რომ ვინაიდან ყაზახეთში 8 სექტემბერს დაგეგმილ Park Live Festival-ზე მონაწილეობას ვეღარ იღებენ, მათთვის ლოჯისტიკურად შეუძლებელია საქართველოში 12 სექტემბერს კონცერტის ჩატარება.

"ძალიან ვწუხვართ იმ იმედგაცრუების გამო, რასაც ეს გამოიწვევს. ბოდიშს ვუხდით ჩვენს ფანებს ყაზახეთსა და საქართველოში კონცერტების ასეთ გვიან ეტაპზე გაუქმების გამო. ასევე, ბოდიშს გიხდით მათ, ვინც სწორედ ჩვენს მოსასმენად აპირებდით შორიდან ჩამოსვლას. იმედი გვაქვს, რომ ორივე ქვეყანაში დავბრუნდებით, როცა ამის შესაძლებლობა გვექნება. მადლობას გიხდით გაგებისათვის" — ვკითხულობთ Placebo-ს განცხადებაში.