მედია SOVA-ს განცხადებით, ვაშინგტონის მიერ სანქცირებული ექს-პროკურორი ოთარ ფარცხალაძე,ორბელიანის სასახლეში, საქართველოს პრეზიდენტის რეზიდენციასთან შეამჩნიეს.

მილიარდერი ბიძინა ივანიშვილის ახლო წრის ერთ-ერთი წარმომადგენლის, ოთარ ფარცხალაძის შესახებ ბოლო ცნობები უკავშირდება ინფორმაციას, რომ მისი სახლიდან 15 იარაღი "გაქრა".

ამ დროისთვის ოთარ ფარცხალაძის სახლის პერიმეტრზე, დაცვის თანამშრომლები ოპერირებენ, რაც საფუძვლიან ეჭვს აჩენს, რომ ის რეზიდენციაში იმყოფება.

პირველები იტყობინება, რომ ექს-პროკურორის უახლოესი გარემოცვის წევრს, მერაბ ჭიკაშვილს ესაუბრნენ, რომელსაც სატელეფონო საუბრის დროს, ფარცხალაძეს ქვეყანაში ყოფნა არ უარყვია.

"მოდი დავიწყოთ იქიდან, თქვენ რატომ უნდა გითხრათ, მე ვის შევხვდი და ვის არა, და მეორეც, ახლა არ არის ის დრო, რომ ამ კითხვაზე გიპასუხოთ. დღეს ფერიცვალობაა და მორწმუნე კაცი აღვნიშნავ ტაძარში და არ მცალია, თან თქვენი საქმეც არ არის", — ამბობს მერაბ ჭიქაშვილი.

ექს-პროკურორს საქართველოს პასპორტი არ გააჩნია, იგი მოსკოვში იმყოფებოდა და ჯერ-ჯერობით უცნობია რა მიზნით დაბრუნდა საქართველოში.

ასევე, ვარაუდია, რომ მისი საქართველოში ჩამოსვლა, შესაძლოა, 2024 წლის გადამწყვეტ არჩევნებს უკავშირდებოდეს.